Vuoigatvuođakánsler

Stáhtaráđi vuoigatvuođakánsler lea riikkabeivviid vuoigatvuođaáššeolbmo lassin alimus lágalašvuođabearráigeahčči. Vuoigatvuođakánslera doaimmaid dikšot vuoigatvuođakánslera lassin veahkkevuoigatvuođakánsler ja veahkkevuoigatvuođakánslera sadjásaš. Veahkkevuoigatvuođakánslera ja veahkkevuoigatvuođakánslera sadjásaš mearrideaba iehčanasat sudnuide gulli áššiin. Dásseválddi presideanta namaha vuoigatvuođakánslera ja veahkkevuoigatvuođakánslera sihke mearrida sadjášačča veahkkevuoigatvuođakánslera doibmii. Veahkkevuoigatvuođakánslera sadjásačča doaibma lea mearreáigásaš ja okta badji bistá eanemustá vihtta jagi. 

Vuoigatvuođakánsler čoavdá  erenoamážit stáhtaráđi gohccimii guoskevaš áššiid sihke prinsihpalaš ja viidát váikkuheaddji áššiid. Geavatlaččat veahkkevuoigatvuođakánsler čoavdá stuorámus oasi guoddalanáššiin ja dahká eanemusat dárkkistemiid. Juos vuoigatvuođakánsler lea eastašuvvan veahkkevuoigatvuođakánsler dikšu su doaimmaid. Juos vuoigatvuođakánsler ja/dahje veahkkevuoigatvuođakánsler lea eastašuvvan dikšut doaimmaidis, vuoigatvuođakánsler gohčču veahkkevuoigatvuođakánslera sadjásačča dikšut iežas doaimma.