Riektekanslerdoaimmahaga neahttasiidduid fáhtehahttivuođačilgehus

Dát fáhtehahttivuođačilgehus guoske www.oikeuskansleri.fi siidduid.  Čilgehus lea gárvvistuvvon 21.9.2020. Digibálvalusa fáhtehahttivuohta lea árvvoštallojuvvon doaimmahaga virgebargun.

Riektekanslerdoaimmahat lea álggahan neahttasiiddus ođastanfidnu. Ollásit ođasmahtton siidduid lea mihttomearri váldit atnui jagi 2021 áigge.

Bálvalusa fáhtehahttivuođa dilli

Siiddut devdet krihtalaš fáhtehahttivuođagáibádusaid.

Bálvalusa ii-fáhtehahtti sisdoallu (nummárastin WCAG 2.1 kritearaid mielde)

1.3.1 Informašuvdna ja gaskavuođat

Siidduide liŋkejuvvon PDF-hámi áššegirjjit eai váldooasis sisttisdoala ráhkaduselemeanttaid, mat álkidahtášedje áššegirjjiid ráhkadusa oaidnima ja áddema. Váilevuohta ii eastte áššegirjjiid lohkama veahkkeneavvuiguin. Váilevuođat divvojuvvojit vejolaččat siidduid oppalašođasteami oktavuođas.

1.4.8 Visuála ovdanbuktinvuohki

Geavaheaddji ii sáhte válljet duogáža ja teavstta ivnni. Sáhka ii leat lága ásahan fáhtehahttivuođagáibádusas iige iešvuohta eastte bálvalusa ávkkástallama. Iešvuohta divvojuvvo vejolaččat siidduid oppalašođasteami oktavuođas.

2.4.4 Liŋkka dárkkistus (konteavsttas)

Buot liŋkkain, mat rahpet PDF-fiilla, ii leat govvádus das, ahte liŋka rahpá fiilla. Liŋkka mihttomearri lea testema vuođul oalle čielggas, ja diehtu lea fáhtemis váilevuođas fuolatkeahttá. Liŋkkat divvojuvvojit siidduid beaivádettiin.

3.1.3 Eahpedábálaš sánit

Siidduin leat geavahan láhkaásaheapmái ja hálddahussii laktásan tearpmaid. Sáhka ii leat lága ásahan fáhtehahttivuođagáibádusas iige iešvuohta eastte bálvalusa geavaheami. Bálvalusas almmustahttojuvvon teavsttas figgat geavahit áddehahtti almmolašgiela, muhto doaimmahaga doaimma juridihkalaš luonddu dihtii sierratearpmaid geavaheami ii leat vejolaš oalát garvit.

3.1.5 Lohkama dássi

Gáibiduvvon lohkama dássi molsašuddá sisdoaluid mielde. Sáhka ii leat lága ásahan fáhtehahttivuođagáibádusas iige iešvuohta eastte bálvalusa geavaheami. Eandalii bálvalusa várás gárvvistuvvon teavsttas leat figgan čielggasvuhtii ja áddehahttivuhtii, muhto ovdamearkan siidduin almmustahtton mearrádusain, cealkámušain ja bealiváldimiin ii álo sáhte garvit váddásut áddehahtti juridihkalaš giela ja tearpmaid geavaheami.

Oainnus mobiilarusttegiin

Mobiilarusttegiidda eai leat ollašuhttán oktageardán oidnosa. Dát ii leat aitosaš WCAG 2.1 gáibádus. Iešvuohta divvojuvvo vejolaččat siidduid oppalašođasteami oktavuođas. Bálvalus lea normála olggošoainnuin geavaheamis maiddái mobiilarusttegiin.

Oktavuođadiehtu fáhtehahttivuođamáhcahahkii

Bálvalusas áicojuvvon fáhtehahttivuođaváttisvuođaid figgat vejolašvuođaid mielde divvut bissovaččat.

Jus áiccat fáhtehahttivuođaváilevuođa bálvalusas, almmut das ja dahkat buoremus vejolaš lági mielde vai divvut váilevuođa.

Almmuhusa sáhttá sáddet šleađgapoastačujuhussii kirjaamo@okv.fi dahje dan sáhttá sáddet neahttasiiddus http://www.okv.fi/fi/yhteystiedot gávdnon máhcahatskoviin.

Bearráigeahččovirgeoapmahaš

Digitála bálvalusaid fállamis addojuvvon lága 12 §:a mielde bearráigeahččovirgeoapmahaččas ii leat riekti bearráigeahččat ja dárkkistit riikkabeivviid riekteáššeolbmo ja stáhtaráđi riektekanslera digitála bálvalusaid iige addit daid guoskevaš mearrádusaid fáhtehahttivuođagáibádusaid ollašuhttimii.